vitamina pa mata

E tera den kunuku a bira pober, e ta falta vitamina. E maishi ta keda chikí.
Mers i vitamina ta laga e matanan krese.
 

mèrs artifisial òf vitamina

Un disbentaha di mers ta ku e tin hopi bakteria i por kousa infekshon di e sistema digestivo.Vitamina pa hende i
vitamina pa mata ta kompletamente un kos diferente.
Vitaminanan pa mata ta tiponan di salu ku un mata mester di dje.
Tin skibi riba saku di vitamina un sifra manera 20-20-20 òf 15-0-15. Esaki ta e porsentahe di e vitaminanan mas prinsipal
ku un mata mester, N-P-K.

15-0-15 kier men ku e saku ta 15 % di nitrógeno, 0 % (nada) di fòsfòr i 15 % di oksido di potasio.
20-20-20 kier men ku e saku ta 20 % di nitrógeno, 20 % di fòsfòr i 20 %  di potasio.

Un saku  di 20 20 20 lo ta mas karu ku un saku di e mesun peso di 16 16 16.

 

   

                                                                                                                                splikashon na Engles

Mèrs di bestia

Mèrs di bestia tambe ta bon. Mèrs di galiña por ta asta grátis, ta bo mes mester pidi pa bo kuel’e na e krionan grandi di galiña pariba. Kòrda si pa transport’é seif, pa e no lanta ku bientu, plama stof.

 

 

 

Bakteria ta traha vitamina di nitrógeno

Matanan di famia di bonchi (i pinda) no mester di hopi vitamina di N. Nan rais tin pipitanan chikí kaminda e mata mes ta mantené un kantidat di bakteria. E bakterianan no ta peligroso, nan ta bon. Nan ta traha e vitamina ku tin N. Nan ta tuma nitrógeno di den hairu i mar’é na un moda ku e rais por tum’é.


 

                               

 

Den eksterior tin hende ta pusta pa e pampuna mas grandi. Nan ta usa masha hopi vitamina. Tin pampuna ku ta pisa manera un outo "mini".