reprodukshon di mata   

simia
                Un simia ta un mata nobo forma pa un mata machu i un mata muhé.
                Un mata por forma simia. Esaki ta un proseso sumamente importante.
                Maske kada mata di un tipo ta mustra meskos nan tin variashon, manera kada hende ta diferente,
                asina kada mata ta diferente. Un mata ta adaptá pa ku su medio ambiente. Ora e medio ambiente
                ta kambia tin sierto mata (di e mesun sorto) ta mas adaptá ku otro. E matanan mihó adaptá pa e
                medio ambiente ta sobrebibí.

                Tur e informashon di e aparensia i funshonamentu di e mata ta den forma di DNA den kada sel
.
                Un mata ku a forma di un rais tin eksaktamente mesun DNA ku su mayor. (splika
                Un simia ta forma di mitar DNA di e tata (e fékula), i mitar DNA di e mama (kaminda e fruta ta bai krese).
                E ora ei e yu tin informashon kombiná di tata i mama. (serka hende e proseso ta similar).

                informashon di DNA suak i informashon di DNA fuerte.
                informashon di DNA suak nos ta yama un gen resesivo.
                informashon di DNA fuerte nos ta yama un gen dominante.

                Sierto informashon riba e DNA ta suak i ta oprimí pa DNA fuerte. Mihó bisa: Sierto gen dominante
                ta oprimí e gen resesivo. Si pa kasualidat un gen suak di tata i un gen suak di mama ta topa den un simia
                i e gen dominante e ora ei no tei e gennan suak si por ekspresá. Ta dependé e medio ambiente si e mata
                aki ta mihó adaptá i sobrebibí òf e muri. E sistema aki ta un manera di naturalesa pa informashon no bai
                pèrdí. E informashon suak ta pasa di generashon riba generashon.

                aparensia di simia
                Tin hopi tipo di simia, kada unu ta mustra otro. Tin di nan ku kaska duru ku ta protehéle pa un temporada
                kontra di bestia, beskein, sekura i digestion. Aparensia tin hopi di aber di e sistema kon e simia ta plama.



                kon simia ta plama
                Kada mata tin sierto sistema pa nan simia por plama pa haña un lugá nobo, por ehèmpel:
                    - ta bula bai ku bientu (katuna di seda)
                    - ta dref  (koko, mangel)
                    - ta kome pa bestia (shimaruku)
                    - ta pega na bestia (pegasaya)
                    - dor di vruminga
                    - dor ku e mata ta lag’é bula bai ku forsa (skopèt)


                nansementu
                Variashon pa ku e nansementu di simia ta esensial pa e sobrebibensia di e mata. Imaginá ku tur simia di un
                mata ta nanse despues di e promé áwaseru fuerte. Si despues di e áwaseru tin sekura tur e matanan
                chikíchikí ta muri i e aña ei no tin e mata mas. Dor ku no tur ta nanse pareu e peliger aki ta evitá.
                Tin simia ku no por nanse si nan no a raspa (baobab).


                spor
                E mata di lisimbein ta forma spor na su blachinan. Un spor no ta meskos ku un simia. Un spor no tin un èkstra
                nutrishon pa e mata nobo ku ta nanse i un diferensha aun mas grandi ta ku un spor tin solamente mitar di e
                DNA di su mayor. For di un spor no ta nanse un mata di lisimbein dirèkt, pero un kriatura diferente ku tin
                paresido di un blachi kròpsla chikí. E mata aki tin solamente mitar di e DNA ku e mata di lisimbein tin. Ta e
                organismo nobo aki ta laga dos sèl bira unu kaminda dos biaha e mitar DNA ta forma un sèl kompleto ku si ta
                krese den forma di e mata di lisimbein.
                E sistema ku e mata di lisimbein tin ta yama "kambio di generashon". Nos por mira esaki tambe na diferente
                otro kriatura manera pèchi portugues.

 

                mata ku ta rama
                Tin mata ku ta forma rama na banda ku ta forma un mata nobo. Ta yerba, orégano, bakoba, sentebibu i hopi
                mas ta hasié. E ta efektivo, pero ku un desbentaha. Tur mata nobo tin e mesun DNA ku e mata original, kier men ku
                no tin variedat pa adaptashon.

 

 

                rais
                Rais por forma mata nobo. Aki tambe ta konta ku tur yu tin e mesun DNA ku e mayor.
                Rais por forma batata. E batata por sobreviví temporada difísil (sekura) pa despues krese ful spit pasombra
                e tin hopi energia mara eiden.

 

                bòl ta parti
                Un bòl manera un siboyo por parti forma mas. Bo ta mir’é bon na un bòl di konofló.
                Aki tambe ta konta ku tur yu tin e mesun DNA ku e mayor.

 

                blachi ta forma yu
                Algun mata ta forma yu riba su blachi ku ta kai abou. Esaki nos ta mira na mala madre i e leli di awa.
                Aki tambe ta konta ku tur yu tin e mesun DNA ku e mayor.