mamiferonan      

                              

            Tin algun tipo di mamífero na Kòrsou. E mayoria ta raton di anochi. Banda di esei tin 1 tipo di biná
            i e konènchi. E porko i djaka ta introdusí.
            Tin algun mamífero di laman tambe manera dòlfein i bayena i manatee.
            Pusibel tin algun espesi ku resien a skapa for di kultibo i por a sobrebibi. Esaki a sosode na
            otro pais ku p.e. mongoose i sierto miembro di e famia di mustelidae.
           

 

                                raton djanochi        

            Tin diferente tipo di raton djanochi. Tin ku ta chupa flor, tin ku ta kome insekto,
            tin ku ta kome fruta i tin un tipo ku ta kue piska.
            Algun tipo por ta skars i algun ta komun.

       
     

            raton djanochi ku ta yag piska National Geographic video

 

         
  Un raton djanochi ku ta kome fruta di sorsaka. Raton djanochi den un kas bandoná na Jeremy

 

                  Raton djanochi kurpa blanku.  

 

 

Raton djanochi ku ta yag riba insektonan ta dependé riba nan sistema di skucha echo.  Nan ta saka un zonido ku nos mes no por tende. E zonido ta bòns riba un opstákulo. E ora ei e selebre di e raton djanochi ta "kalkulá" e posishon di e opstákulo mesora. Ta manera nan ta mira ku nan sistema di ècho.

Tin insekto manera mòt ku tin manera lana riba nan kurpa pa e zonido no bòns i asina e raton djanochi no por mir’é.
Tambe tin mòt ku ta laga su mes kai ora e ta sinti e zonido di un raton djanochi.

 
E raton djanochinan kasi no tin enemigu na Kòrsou. E populashon ta limitá dor di abundansia/skarsedat di kuminda, kompetensha i malesa.

 

 

 

                    Raton djanochi ku ta chupa flor.
       

                    Raton djanochi ku ta buska flor ta usa e sintínan manera holó i bista banda di nan oido di echo.
                    Kasi semper flornan grandi pa bestia di anochi ta blanku pa nan ta mas visibel
                    (e flor di bakoba ta un eksepshon).

                    E tipo di raton djanochi ta importante pa nos flora. Flornan grandi manera flor di bakoba i e
                    flornan blanku di datu i kadushi mester di e raton djanochi nan pa polina, fèrtilisá, e flor
                    parti muhé na moda ku e simianan por forma.


 

       
       

                  

                          porko di mondi        Sus scrofa

                    E porko di mondi ta introdusí dor di hende. Den pasado e porko di kas tabata manera  esun
                    di mondi awó i ta e porko di kas a bai biba den mondi e tempu ei. Nan ta biba di rais, fruta di mondi, paddestoel etc.
                    Tin biaha nan ta kousa molèster i daño den kunuku di hende. Awendia un sistema di waya di koriente por
                    proteha bo kunuku kontra di e animal aki. klek aki pa mas informashon.
                    Den pasado porkonan a ataka yagdó ora e porkonan ta den un grupo grandi.
(frater Breneker, Sambumbu tomo .., pag. ..)

                        
Karni di porko di mondi ta mihó ku karni porko kumpra paso e no tin masha vèt.

                        

       
           
  Porko di mondi        

 

                bina                Odocoileus virginianus curassavicus

                        bina den parke Kristof video          pòtrét di Carel de Haseth

                                   


                        Den pasado e biná a forma un molèster na San Juan, kaminda e ta bula waya i ta kome e matanan planta.
                    E habitantenan di e tempu ei ta kue biná dor di a pone un spis kaminda e ta bula waya.
                    Asina e mes ta bula riba spis.



 

                    konenchi      cottontail      Sylvilagus floridanus nigronuchalis

  E konènchi ta bon adaptá, asta e ta haña sufisiente awa dor di kome mata manera melon di seru.
 E no ta koba un buraku manera un konènchi oropeo.
   
       
       

                                                                    potrèt Femia Cools

                       

 

 

                       raton            Mus domesticus

 

                       djaka di kaña            Baïomys hummelingcki 

                                               Link èkstérno

                       djaka
                       Den parke Kristof ta hana markanan di un bestia. Probablementa djaka.

                                   

       
  Ki positivo tin di e bestia aki? Hopi molèster. E ta kome pampuna, maishi, bonchi, tur kos, hasta puitu. Nos ta taha nos muchanan pa no kome nada sin laba man promé di drumi, si no mester bai skol ku dede tur na pleistu.