Heliconidae

 

 
    Heliconius erato

Masha poko ta mira e barbulete Heliconius erato den mondi. Na desèmber 2004 tabata tin un eksploshon (kier men ku tabata tin hopi) na Patrick, na Barber, kaminda a forma gruponunan di barbulete drumi huntu. Tabata tin un grupo di 14  individuo. Kasi sigur esaki ta un bentaha pa sobrebibi. Un teoria (no proba) ta ku un lagadishi ta mira e grupo manera un kos demasiado grandi pa e por kaptura, e ta legumai ataka. Un lagadishi no por distnguí e individuonan den un grupo.
Kria den un "greenhouse" bou di un net un di e barbuletenan a drumi kada anochi na mesun taki. Kier men e barbulete tin un memoria.
Remarkabel ta ku H. erato por mira un kas di haraña i no ta kai den e trampa.
E tres pòtret aki bou ta saká den mondi na Patrick (Barber).
   

 

    H. erato

 

  E bichinan ta kome korona di la birgen (Passieflora suberosa i P. foetida). Ora ta kria e bichinan huntu nan ta kanibal. Ora ta stroba e bichi (chikitu) ta laga nan mes baha kai na un hilu, asina nan ta skapa di vruminga. E webunan ta hel i ta poné riba e takinan fresku di e mata.

 

 

      __________________________________________________________________________________________________________

          Agraulis vanilea

Tin biaha e espesi aki ta hopi komun. E ta prefera di bula lihe, den kunuku i riba e mondi. Ora e ta hopi e sa pasa anochi den grupo.
parti abou di e hala ta lombra manera spil.  E bichi ta kome korona de la birgen (P. foetida)

 


                   
A. vanilaea
 

 

 

      __________________________________________________________________________________________________________

         D julia            flambeu

Kontrali na A. vanilea esaki ta bula den mondi. Su hala no ta bati brutu, pero e ta manera tembla. Asina ta bula hopi bon kordiná.
Dependé e aña e ta bula na kantidat.