strategianan pa sobrebibi

 

Su grandura i forsa di e halanan tin un bentaha grandi. Hopi biaha tin kantidat di yeye i e barbulete por pasa sin nan atak'e. Un insekto mas chiki lo a bira defuntu.

Kamoflazje
Barbuletenan i bichi tur dos ta usa kolonan pa kamofla. Hopi biaha e kolo di un barbulète su hala parti ariba ta brait i e kolo di hala parti abou ta maron. Ora e ta sinta ku hala sera e ta skondi.

                                                                        
                                                            cracker                      snuit
 

E kòlonan di e bichi ku ta kome dushi kabei ta sumamente bon adapta riba e palu. E tin mesun kolo di e blachi, asta ku liña hel riba dje. E ta sinta manera un blachi ta kologa i asta e grandura ta kuadra ku e blachinan. Bo ta mira e bichi akibou, e ta sinta nèt mei mei di e pòtrèt.

                                         

 

 

 

Wowo riba hala.
Wowo pinta riba hale por tin dos motibu. Esun mas importante ta distrakshon, dirigi pa para. Un para ta pik riba un wowo pinta mas lihe ku riba e kurpa di e barbulète. Asina e hala ta kibra pero e barbulete por skapa toch. Ta pa esaki e wowonan ta pinta un tiki lew for di e kurpa di e barbulete.

                                                                                              


E di dos motibu ta pa spanta. Hopi biaha un mòt tin wowo pinta riba e hala patras. Den prome e ta stèns riba su kamoflazje. E hala dilanti ku kòlo maron ta kamofla e hala patras. Ta ora ta stroba e mòt e ta hisa e hala dilanti i e wowo ta aparese diripente. E strategia ta traha kasi pa paranan so. E efekto ta un efekto di un ratu, pasombra e para lo bolbe ataka. Un insekto òf un lagadisch no ta spanta mes pasombra nan ta asina bobo ku nan no ta rekonose un wowo.

                                                                                   

 

venenu
Un barbulète por ta venenoso dor ku e bichi a kome un mata venenoso i e ta keda ku e venenu. E ora ei un barbulète su kolònan ta hopi brait ku kolònan di atvertensia. Den naturalesa ta e kolònan kòrá ku pretu of hel ku pretu ta e kolònan di atvertensia. (por ehempel un maribomba tambe ta usa e kolonan ei). E atvertensia ke men pa un para no komé. Si bo mishi e no ta hasi nada.

 

                                                                               

Tin bichi ku kabei venenoso. Ora e kabeinan di dje ta kibra e venenu ta libera i ta manera kima kueru di hende. E ta hopi doloroso i e mancha por keda varios siman.

                                                       

 

imita un barbulète venenoso
Tin barbulete ta imita un tipo di barbulete venenoso. Asina e ta gaña e paranan pa e skapa. Kasi nunka e kantidat di barbulete ku ta imita ta bira mas tantu ku e original, e ora ei e efekto no ta traha mas pasombra e paranan ta siña ku nan por kome nan toch. Den literatura esaki yama "mimicry".

                                                                         
        E mimik ta imita un monarka              mimik                              monarka

 

imita maribomba
Tin tipo di mòt ku ta imita maribomba. E ta asta kana manera un maribomba.

                                                                    

 

imita pupu di para
Tin bichi maron ku blanku un tiki lombra ta imita pupu di para. Ehempelnan di esaki ta tiponen di bichi di e famia di papilionidae.

 

zonido
E pop di e barbulete Heliconius erato ta move-zwip i ta saka un zonido ora ta strobé. Kasi sigur esaki tin di aber ku su defensa pa un sierto ofensor.