Aquaponics na Kòrsou

 

"Hydroponics" ta kultivo di berdura den awa sin uzo di piska.
Ora ta apliká hydroponics ta agregá kada nutriente na e awa i ta vigilá i ahustá e konsentrashon di kada komponente.


                       
                             Kiko ta aquaponics?
                                            Aquaponics ta un manera di kria berdura den awa nutrí pa sushi di piska.
                                            Wak siguiente video pa haña un idea.

                                            Aquaponics for profit (Australia)

                                                       Sr. Henny Barbolina ta splika.

 

                                                                     

                                         meta
                                            Tin dos meta:
                                             - gana sèn
                                             - produsí komestibel salú. Mas nos produsí na Kòrsou mes, ménos nos ta importá i ménos nos ta dependé di otro pais i merkado internashonal.



                                                       
algun bentaha
                                            - E sistema no ta gasta hopi awa.
                                            - E sistema no ta gasta fertilisante (vitamina pa mata)
                                            - E sistema no ta rekerí hopi tereno
                                            - No tin trabou di yerba indeseá.


                                                       
Kon e sistema ta funshona (prinsipio)
                                             Un tanki ta kontené piska. E piska ta kome, krese i ekskretá. Un di e komponente den e sushi di e piskánan ta amonia (NH3 i NH4+).
                                             E sistema kompleto (tanki, pipa etc.) ta tene bakteria. Dos tipo di bakteria ta importante pa e sistema.
                                                                 1 - Esunnan ku ta kambia amoniak den nitrit (NO2-)
                                                                 2 - Esunnan ku ta kambia nitrit den nitrat (NO3-)
                                             Nitrat ta un nutriente esensial pa e matanan di kultivo.
                                             E awa ku ta keda resiklá den e sistema (mira pintura ariba).


                                                               
                                            skemátiko:





                             


 


                                          
  tipo di produkto
                                           
   - Berdura ta e produkto prinsipal, piska ta e produkto sekundario.
                                           
   - Aktualmente no tin masha informashon kua produkto ta produsí bon na Kòrsou.
                                                 Tayerblat ta bai bon. Ora tin resultado den futuro ta menshon’é aki.


                                          
  kuminda di piska
                                               E kuminda di piska mester ta barata.
                                           
    E kantidat di kuminda mester ta sufisiente pa (indirekto) nutri e kultivo di mata.
                                           
    Nan ta kome layena, pan, karni etc.
                                               Ta kumbini pa e kuminda keda drif riba e awa. Asina por mira si no ta duna kuminda dimas.
                                               Personalmente mi no ta duna kuminda di kachó pa motibu ku mi no ta konfia e ingredientenan di kuminda kachó.



                                             kalidat di awa
                                               Por vigila e kalidat di awa, kier men tur e kosnan ku ta desolvé.
                                               Kantidat di asido (pH), kantidat di ureo, nitrat, potasio, salu, fosfor etc.
                                               Esaki ta
importante pa un kresementu maksimo i salú di piska.
                                           
    Riba merkado tin yen di manera di midi, pero karu. Nos ta purba pa ahustá  i midi na un manera barata.
                                          
    pH mester ta entre 6.5 i 8. Esaki ta importante pa e konvershonnan di ureo den e biofilter.

                                               update: Mi no ta midi nada. Dos biaha pa siman mi ta agregá heru (Fe(II)sulfat). Tabatin chlorosis,
                                               blachi di mata ta bira hel. Tratamentu ku heru a resolvé e problema áki.


                                                          

                                               Kuminda di mas ta malu i por stroba e sistema. E awa por bomba i piska por muri.
                                               Den e sistema a forma un kantidat di kokolishi di awa. Nan ta kome sobra kuminda i ta yuda tene e awa limpi.
                                               Den e baki piska tin dos tortuga pa kome kuminda sobra i un eventual piska morto.
                                               Mi a ripara ku ora e tortuga no tin hamber (ta ninga komé) mi a duna kuminda di mas.


                                          
   pòmp i konstrukshon
                                                Nos ta purba gasta ménos sèn den konstrukshon i gastamentu di koriente pa pòmp.
                                           
     Nos ta pòmp kada ratu pa gasta ménos koriente i no gasta e pòmp. Pa e motibu nos por uza un suich di oloshi.
                                           
     Na Kòrsou por planta bou di nèt di sombra, dependé e tipo di mata.


                                          
   biofilter
                                                E superfisie karga ku bakteria nesesario pa e konvershon yama biofilter. Den sierto sistema grandi e kanalnan pa mata mes ta forma
                                          
     e biofilter. Dependé e material di e sistema por ta nesesario pa agregá un tanki yena ku un material ku ta karga e bakteria nan.
                                          
     E material mester generá un superfisie grandi. E awa di e biofilter mester tin hopi oksígeno. E bakteria nan nitrifikante ta traha
                                          
     aerob, kier men ku hopi oksígeno. Ku falta di oksígeno otro bakteria lo bai dominá i e sistema no ta traha bon.
                                          
     Ora ta traha un sistema nobo e bakteria nan ta kolonisá e sistema nan mes. E tipo di bakteria ta komun.

                                                update: Mi a kita e bari ku a fungi komo filter i a kologá boter di plèstik kortá repi-repi pa ekstend'é e superfisi di bakteria dirèk den e baki di piska.
 

                                        remarke: - Den krio di tilapia mester separá e hembranan ( wpe4  ) for di e machunan ( machu simbolo ) pa por produsí peska mas grandi. (fuente Wikipedia)
                                                               Produkshonnan komersial di tilapia ta kria machu so.
                                                             - E sistema mester di mata pa saka nitrat for di awa. Si e sistema ta operá sin mata (piska so) mester vigilá e awa pa e
                                                               
nivel di nitrat no subi di mas. Si e nitrat, nitrit òf amonia ta subi di mas mester kambia e awa.
                                                             - Amonia no ta sali di pupu di piska, pero pa medio di e korokoro.
fuente: Recirculating Aquaculture Tank Productions
                                                                           
- E sistema mester tin hopi oksígeno den e awa pa faborá e bakteria nan ku ta produsí nitrat.
                                                             - Mester evitá akumulashon di sushi pa motibu ku deskomposishon di e sushi ta gasta oksígeno i ta surgi
                                                                supstanshanan venenoso.
                                                             - Pipa di PVC por kontené chumbu. E chumbu por sali ora e pH ta abou. Ta difísil pa balotá e peliger di e
                                                               kontaminashon den un sistema ku PVC pa motibu ku rais di mata por kambia nan ambiente (na nivel mikro).
                                                               Si bo kumpra pipa PVC oropeo e PVC no ta kontene chumbu signifikante.




                                           problemanan enkontrá:        - pipanan muchu fini ta sera ku raís.
                                                                                           - sushi ta sedimentá den raís di kultivo.
                                                                                           - kantidat di piska muchu abou.
                                                                                           - kantidat di kuminda di piska muchu tiki.
                                                                                           - filter ta sera


 

 

                                        komparashon di dos variante

                                                 Tin diferente variashon den e konstrukshon. Aki ta kompara un sistema ku biofilter separa ku un sistema kaminda
                                                 e mata ta para den un sùpstrato (pieda, greis etc.).
                                                 Konsumo di energia (koriente) ta mas tantu kaminda e awa mester sirkula kontinuo. Ora e biofilter ta apart
                                                 ta pomp e awa kada ratu. Si ta blas hairu dor di e filter kontinuo, pero un pòmp di hairu ta gasta hopi mènos energia.


                                                         

 

 

                                                                                 



                                            E sistema ultimo ta deseña pa kada ratu tur awa ta sali for di e sùpstrato, kaba yena bèk.
                                             Mihon mustrá den e dos video aki bou.

 

 

 

 

 

 

 

 

 




                                               
                                                       lenknan interesante:           Aquaponic equipment The Bio Filter

                                                                                                             Recirculating Aquaculture Tank Productions

                                                                                       PVC May Increase Lead Leaching
 
                                                                                       kon rais di mata tuma nutriente
 
                                                                                       rating fixed film nitrifying biofilters used in recirculating aquaculture systems
 
                                                                                       Phosphorus intake and digestion in aquaculture



                                            Kontroversia di aquaponics

                                                       
                                            Kuminda di piska por ta traha di fishmeal. Si ta saka dimas piska for di oseano pa produsí fishmeal
                                            aquaponics tin un efekto negativo riba medio ambiente.