amfibionan

                          Di origen Kòrsou no tin ningun amfibio mes,
                        pero tres tipo di sapu a bin Kòrsou di afó.
                        Ta posibel ku e dori a bini den un karga di santu
                        i e koki a bini ku mata di Venesuela.
                        Tur dos sapu ta bestia nokturno. Resien a señala
                        un sapu (di den palu) presedente di Cuba. E sapu di
                        Cuba por afekta e founa kaminda e ta biba.

                                sapu, dori     Pleurodema brachyops
 

                    video dori
 

       
             
             

 

E dori ta risisti tempunan largu di sekura. E ta
skonde den tera.
Den e temporada mas mihon e ta sali anochi pa e
buska bestia chiki pa e kome.
Despues di e promé awaseru fuerte nan ta bola den
e awa, hasi hopi bochincha pa un òf dos anochi pa
despues no bolbe. E lawai ta atrae asta bubi.


 

                  
             



                        E webunan ta den un sleim i despues un dia ja
                        e slijm a kita i e bichinan ta landa ront.
                        E bichinan ta chupa lima. Nan por risisti awa
                        ku ta bira basta kayente den solo. Mi ta kere
                        ku e temperatura haltu di e awa ta akselera e
                        proseso di metamorfose. Tin bia e awa ta seka
                        promé ku nan desaroya i tur ta muri.
                        E strategia di pone webu den e promé awa tin e
                        bentaha ku e ora e no tin predator manera e
                        bichi di yeye i otro insektonan di awa.

 

 

                            kòkí

           
         
           




                        E koki ta un sapu ku no a plama masha na Banda
                        Bou ahinda. Bo ta hañele mas na hotelnan i kasnan
                        ku un kura iriga.
                        Anochi nan ta fluit duru, sigur pa un bestia chiki
                        manera ei. E zonido ta asta stroba hende. Toch e
                        ta util pasombra e ta kome hopi bestia chiki
                        manera sangura.

 

Cuban tree frog Curacao

 

                        Cuban tree frog

Un espesie invasivo. Efekto di su presensia riba naturalesa
na Kòrsou no ta muchu kla ahinda. E por tin un efekto positivo
dor ku e ta kome hopi insekto. Kon e ta afekta para, reptil i
otro amfibio tin ku resultá ahinda.
Su kuero ta kontene venenu komo un defensa.